Ministri i Punëve të Brendshme, Xhelal Sveçla ka pritur sot në takim ambasadorin e Gjermanisë në Kosovë, Rainer Rudolph.

Me anë të një postimi në Facebook, Sveçla tha se Gjermania ka mbështetur në çdo kohë vendin tonë dhe institucionet tona dhe ky partneritet do të vazhdojë edhe më tej, në funksion të rendit e ligjit dhe sigurisë së vendit tonë e qytetarëve tanë.

“Me ambasadorin e Gjermanisë në Kosovë z. Rainer Rudolph diskutuam sot mbi prioritetet e mandatit tonë të ri dhe rëndësinë e thellimit të mëtejmë të bashkëpunimit tonë”, ka shkruar Sveçla.

“Rikonfirmuam përkushtimin e përbashkët për avancimin e projekteve konkrete në fushën e sigurisë, forcimin e kapaciteteve institucionale dhe koordinimin e vazhdueshëm në adresimin e sfidave të përbashkëta. Jam i bindur se bashkëpunimi i ngushtë ndërmjet institucioneve tona do të vazhdojë të japë rezultate të prekshme në shërbim të qytetarëve dhe stabilitetit afatgjatë të vendit tonë”, tha Sveçla./Arbresh.info